Raspertand -
Nr 0006 - Die Lang Slaap.
Raspertand het mos in 1985 na 'n
siekbed van 'n week in die hospitaal aan die slaap geraak. Wat anders aan die
slaap was, was dat dit vir byna 15 jaar geduur het. Hy het as kind die storie
van Rip van Winkel gehoor wat ook baie lank geslaap het! Niemand kon vir
Raspertand wakker kry nie. Sy familie was baie bekommerd - soos wat 'n mens en
jakkals kan verwag.
Raspertand het die 1'e Desember
1999 wees wakker geword! Die eerste ding wat hy gesien het, was dat een van
die jong verpleegsters met 'n klein kassie gesels. Dis snaaks. Sy eerste
gedagte was dat sy seker maar nie goed voel nie. Dis toe 'n selfoon! Langs sy
bed was daar iets soos 'n telefoon, maar nie met die ronde skyf met
nommertjies nie! Dit het knoppies gehad en daar was ook n * en 'n #. Verder
was die 'telefoon' ook nie swart nie, maar so 'n ligte geel kleur. Die koerant
het 'n selfs ‘n kleurfoto op gehad!
Met sy poot het hy gevoel of hy
nie koors het nie, want dinge het so vreemd gelyk. Selfs die verpleegster het
dan nie n wit kappie op gehad nie. Sy oog vang 'n bed met n silwerjakkals in!
Hoe is dit moontlik? Silwerjakkalse gaan na hulle eie hospitale! Toe sien hy
iemand soos n dokter met ‘n kassie wat ‘n skermpie soos ‘n TV het, maar dis
net sowat 75 by 125 mm. Hoe is dit moontlik? Hy lees in die koerant van e-pos,
die Internet, CDs en DVDs wat alles vreemd en nuut is.
Dis toe wat hy sien die datum
van die koerant is 1 Desember 1999. Hy het so geskrik dat hy gil : "Help
help!" maar hy word nie wakker uit sy droom nie. Hy was wakker….
Die koerant praat van die
Stormers en die Katte. Dit was tog altyd Natal, WP en die Vrystaat. Die
susters kom toe teen groot spoed toe hulle besef dat Oom Raspertand wakker
geword het.
Raspertand kon nie dadelik
huistoe gaan nie. Dr Tim wat toe, nadat dr Spok afgetree het, sy dokter was,
wou eers baie seker maak dat alles reg was.
Raspertand lees met skok dat
jongmense nou saam bly sonder om te trou. Baie mense gaan nie meer kerk toe
nie. Mnr Mandela is nie meer in die tronk nie. President PW Botha, met die
streng wysvinger, het afgetree! Die Berlynse muur is afgebreek en Rusland
opgebreek. Daar is nie meer tuislande nie. Almal is nou oral welkom en tuis.
Sy kop draai omtrent!
Volksbank
is nou ABDB (Almal se Beste Duurste Bank) Ds. Gysbertus is saam met 'n paar
ouderlinge afgeneem in kortbroeke. Hulle het nie pakke en wit dasse aan nie.
Hoe het dinge nie verander nie! Die kinders doen nou grade tot by 12, maar hy
weet net van matriek wat standerd 10 was! Alles is vreemd, tog bekend.
Toe hy weer tot verhaal kom,
sien Raspertand die Bybel op sy bedkassie en sowaar, die Bybel sê nog steeds:
“God is van ewigheid tot ewigheid dieselfde!“ Die vereiste vir redding is nog
net dieselfde: bekering en geloof in Jesus Christus, die Seun van God. Hy kon
toe rustig raak. En weet dat hy dieselfde Here ken.
Om nie meer Raspertande te ontvang nie, stuur 'n e-pos aan Raspertand by oupa@raspertand.co.za en sit beeindig in die onderwerp. Om met hom te gesels stuur ook maar 'n e-pos na dieselfde adres.
Terug na die inhoudsopgawe <klik hier>